గమ్యం
అంతే తెలియని గమ్యం అనుకుని
నిలబడిపోకు నేస్తమా!
గొంతే పెగలని నిరాశ తోటి
గతాన్ని చూడకు మిత్రమా!
అదుగో..
నీకోసం బతుకు వేసిన బాట.
నిట్టనిలువునా చీలిన ఆశలు
వ్రక్కలుముక్కలై
ధూళిలో కలవకముందే…
నీకోసం నాటిన క్షణాలు
నానాటికీ పెరిగి
నదిమలుపులలో కరిగి
కొట్టుకు పోకముందే,
కరిగిన కాలం కొండలై
నీకడ్డునిలిచేలోపే
క్షణమైనా వృధా చేయక
వేలనాల్కల నిరాశను
కోటి ముక్కలు చేసి
కాలు కదుపు మిత్రమా!
కదం తొక్కు నేస్తమా!
radhika said,
October 10, 2007 at 10:58 PM
బాగుందండి.
nuvvusetty said,
October 12, 2007 at 2:38 PM
Thank you very much Raddhika garu