గొంగళి పురుగు…పారిజాతం.

butterfly_-8276      మహా శివరాత్రి బద్దకంగా కళ్ళు తెరిచాను, నా మేని పై పూర్తి గా విప్పారిన పారిజాత పువ్వు . పైన  దాని చుట్టూ తిరుగుతూ మకరందం కోసం ఎగబడుతున్న రంగు రంగుల సీతాకోక చిలుకల సందడితో మరింత అహ్లాదకరముగా ఉంది. దాన్ని చూడగానే ఠక్కున పార్వతిదేవి గుర్తుకొచ్చింది. కానీ అప్పుడెప్పుడో కృష్ణుడు ఇచ్చిన ప్రచారపు దెబ్బ ఇప్పటికీ నన్నువదలలేదు. పూసిన ప్రతీసారీ ఇంద్రుడి రెకమండేషన్ అనో, బ్రహ్మ రెకమండేషన్ అనో నా ముచ్చట తీరకముందే కోసుకుని వెళ్ళిపోతారు. కాని ఈ సారి ఎవరికీ ఇవ్వదలుచుకోలేదు. తప్పకుండా ఆ పార్వతీ దేవికే పంపాలి, పైగా శివరాత్రి, సంతోషిస్తుంది. మనసులో అనుకున్నదే తడువుగా ఎదురుగా ప్రత్యక్షమయిపోయాడు ఆ దేవదేవుడు. ఆశ్చర్యంగా తన ముఖం నిండా చిరు చెమటలు పట్టి ఉన్నాయి, అందరికి చెమటలు పట్టించే మహాశివుడికి చెమటలు ఎవరు పట్టించి ఉంటారా అని ఆలోచిస్తూ, స్వామీ ఏమిటి ఆ చిరుచెమటలు అంటూ అరా తీసాను. ఆ ఏమిలేదు పారిజాతం, పార్వతి దేవి రాజకీయాల మీద పరిశోధన చేస్తూ , రౌడీయిజానికి , రాజకీయానికి సంబందం ఏమిటి దేవా! అని అడిగింది, మనకా రాజకీయాలు తెలియకపోయే, అందుకని మన దగ్గరే ఉన్న రాజకీయ ధురంధురుడు పీవీ గారిని అడిగితే తెలుస్తుందని ఇక్కడకు వస్తే ఆయన నవ్వి మూతి ముందుకు పెట్టుకుని నిన్ను కలవమన్నాడు, అయినా నువ్వేమి చెబుతావో నాకర్ధం కాలా, అంటూ నా వీపు మీద వున్నఓ గొంగళి పురుగు వంక కొద్దిగా అసహ్యంగా చూసి ఓ అడుగు వెనక్కి వేశాడు. అది చూసి స్వామీ! గొంగళి పురుగు అంటే మీకులాగే నాకూ అసహ్యమే, పేరుకి పెద్ద పారిజాతాన్నే అయినా, ఉండేది స్వర్గలోకం లో అయినా కొమ్మలు ,పూలూ, ఆకులు తప్ప చేతులులేని దాన్ని, దాన్నిఏలా వదిలించుకోవాలో తెలియక సతమతమవుతూవుంటా…కాని సరైన మార్గమే దొరుకదు. అది నా ఆకులను మెల్లమెల్లగా కొరికి తినేస్తువుంటే నేను ఏమి చేయలేక ఓ రోజు ఈవినింగ్ వాక్ కు వచ్చిన మన పీవీ గారికి నా సమస్య చెబితే ఆయన నవ్వి, కాలం తన పని తను చేసుకొని పోతుంది అని మీరు చెప్పినట్లే మూతి ముందుకి పెట్టుకుని జవాబు చెప్పకుండా వెళ్ళిపోయాడు. కాని తరువాత కొన్నిరోజులకు నా కర్ధమైంది, నాడు ఆ మౌన మేధావి చెప్పింది నిజమే అని, నేను ఈ రోజు ఆనందంగా చూస్తున్నసీతాకోకచిలుకలే దానికి సాక్ష్యం. నాడు నన్ను బాధ పెట్టిన ఆ గొంగళి పురుగులే నేటి సీతాకోక చిలుకలని …..ఇంకా ఏదో చెప్పేలోపలే రౌడీ యిజానికి , రాజకీయానికి సంబంధం అర్ధమయిందోచ్…..థాంక్స్ పీవీ అంటూ ఒక్కసారిగా మాయమయ్యాడు ఆ దేవదేవుడు నే చెప్పేది పూర్తిగా వినకుండానే…

Advertisements
    • D. Venu Gopal
    • March 16th, 2009

    బాగుంది. ఇది పీవీ గారి నాన్చుడు స్వభావం గురించా! ఆయన అలా ఎందుకు చేసేవారో మన పి.వి.ఆర్.కె. ప్రసాద్ గార తన స్వాతి పత్రికలోని కాలమ్ లో వ్రాసారు. వీలయితే చదవండి.

    • కాదండి… ఎలాంటి గొంగళి పురుగుల నైనా రాజకీయ ముసుగు వేసుకుంటే సీతాకోకల్లా ఆదరిస్తున్న మన(పారిజాతం) గురించి.

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: