ಲలిత్ మోడి vs సెల్వస్వామి

       

      టీవీ సీరియళ్ళకున్న మహిళాదరణ అంతా ఇంతా కాదు. దాని బలమెంతో ఈ IPL లో తేలిపోయింది. ఎంతో చాతుర్యంతో IPL టైమ్ ఫార్మాట్ రూపొందించారు. దాని పుణ్యమాని ఈ మధ్య రాత్రి ఎనిమిది గంటల నుండి టీవీల మీద దృష్టి పెట్టాల్సి వచ్చింది. ఇంట్లో ఆడాళ్ళని బతిమాలుకుంటే, ఆరాధన, సుందరకాండల్ని త్యాగం చేశారు గానీ… ఈ మొగలిరేకుల్ని మాత్రం అట్టే పెట్టుకున్నారు. చచ్చినట్టు వాళ్ళతో పాటు ఒక్కో సీను చూడటం అడ్వర్టైజ్‍మెంట్‍ల టైమ్ లో గబగబా చానల్ మార్చి రెండు నిమిషాలు మ్యాచ్ పెట్టేమో లేదో, “వచ్చుంటది పెట్టు” అని ముందు కళ్ళతోటి ఆ తరవాత గదమాయింపుతోటి చెప్పించుకోవటం అలవాటయిపోయింది. ఈ అక్కసుతోటే ఓ సారి ఉండబట్టలేక.. “అంతకు ముందు సెల్వస్వామి క్యారక్టరులో వేరే అతను ఇక్భాలో ఎవరో ఉండేవాడు కదా? ఇప్పుడు వేరే అతనున్నాడేంది? అంటే అతనికి యాక్సిడెంటు చేసేసి ప్లాస్టిక్ సర్జరీ చేసి యాక్టర్ ని మార్చేశారా?” అని ఏమీ ఎరగనట్టు యార్కరేశాను. నా వెటకారం అర్ధమై, నన్ను ఓరకంటితో ఓ క్షణం సేపు చూసి “ఇప్పుడా తతంగమంతా లేదు, సింపుల్ గా “ఈ రోజునుంచి సెల్వస్వామి స్థానంలో ఫలానా సుబ్బారావు బదులు కాంతారావు నటిస్తున్నారు. అని ఓ సారి స్క్రోల్ వేస్తున్నారు అంతే…ఈ మధ్యే R.K.(అదో క్యారక్టరులెండి) వాళ్ళ పనిమనిషిని కూడా ఇలాగే మార్చేశారు…ట్రెండు మారింది.” అని చెప్పి నోబాల్ లో సిక్సరు కొట్టారు. అయినా నేను తగ్గలేదు “ఇట్టా సింపుల్ గా క్యారక్టర్లలో మనుషుల్ని బొమ్మల్ని మార్చేసినట్టు మార్చేస్తుంటే మీకేమీ అనిపించదా?” అని అడిగాను కాస్త అసహ్యంగా మొహం బెట్టి. అంతే బ్యాట్స్ మెన్ మీద వత్తిడి పెంచటానికి అతని ముందు, వెనక, పక్కన ఆనుకుని ఫీల్డింగ్ చేసినట్టు నన్ను చుట్టు ముట్టారు. “అసలీ IPL కి ఒక అమ్మా అబ్బా ఉన్నారా? ఒక దేశానికీ మరో దేశానికీ మద్య గాదు…కనీసం ఒక రాష్ట్రానికీ మరో రాష్ట్రానికీ మధ్యా కూడా కాదు. చెన్నై టీమ్ లో ధోని ఎందుకున్నాడు? మన రాయుడెళ్ళి బొంబాయోళ్ళతో చేరేడు. హైద్రాబాదుకి కెప్టను ఆస్ట్రేలియావాడు..అన్నీ సంకర టీములే. ఇయ్యన్నీ ఎగబడి చూస్తా ఉళ్ళా మీరా! మీకేం అనిపించటం లేదా?” అని బౌన్సర్ల మీద బౌన్సర్లేసి, బిక్కచచ్చిపోయి ఉన్న నాతో “ఇంక నుండి మొగలిరేకుల్లో అడ్వర్టైజ్‍మెంట్లు కూడా చూడాల్సిందే, నీ పుణ్యాన కొన్ని సీన్లు మిస్సవుతున్నాము.” అని రిమోట్ లాక్కుని క్లీన్‌బౌల్డ్ చేశేసేరు.

      వీళ్ళ చేతిలో నేను గాదు, సెల్వస్వామి చేతిలో లలిత్‍మోడి ఘోరంగా ఓడిపోయేడనుకుని, నాకెందుకులే ఈ పీడ అనుకుంటూ  టివిని వదిలేసి పెవిలియన్ వంక దారి బట్టి కంప్యూటర్‍లో దూరిపోయాను.

Advertisements
    • Kalyani
    • April 20th, 2010

    అయినా ఆ ఒక్క అరగంట ఆత్రం ఆపుకోలేకపోతే ఎలా… అక్కడికీ పాపం మిగతా రెండో మూడో సీరియల్స్ మీకోసం త్యాగం చేసేసారుగా. ఇలా అనవసరంగా వాదాలు చేసారో… రాంగ్ సైడ్ వచ్చి రన్ అవుట్ అవడం ఖాయం. ఆ మిగతా రెండు గంటలకి కూడా ఎసరు పెట్టేయగలరు. అయినా మీ ఆడాళ్ళు అన్నట్టు ఈ ఐ.పీ.ఎల్ లో ఒక రాష్ట్ర భావన లేదు, కనీసం జాతీయ భావన కూడా లేదు. పైగా ఇవన్నీ ముందుగానే ఫలితం నిర్ణయించబడిన మాచులు అని నా ప్రగాఢ విశ్వాసం. అది కూడా వచ్చే ఐ.పీ.ఎల్ నాటికి తేలిపోతుంది లెండి..

    • ఒంగోలు శీను
    • April 20th, 2010

    ఐపిఎల్ పుణ్యమా అని నేను కూడా మొగలి రేకుల భాదితుడినే …. అందులో అన్ని కారెక్టర్లు పేర్లు నాకు తెలిసిపోయాయి.

    • Sujata
    • April 20th, 2010

    భలే ! btw.. మరి.. ఐ.పీ.ఎల్. మేచుల్ని వెండితెరపై చూపిద్దామని కూడా అనుకున్నార్ట కదా. అసలు సెల్వస్వామినే వెండితెర మీద చూపిస్తే ఎలా వుంటుంది అని ఎవరికీ అనుమానం రాలేదా ?

  1. నాది అదే కష్టం. అందుకే ఐ.పి.ఎల్ త్యాగం చేసాను. అయినా ఇదివరకటి ఆసక్తి ఇప్పుడెందుకో లేదు.
    శ్రీవాసుకి

  2. హ హ హ.

    By the time of next IPL – let there be 3 serials to which your lady is addicted! This is my blessing to you

  3. కళ్యాణి గారు నిజమే అంతా గందరగోళంగా ఉన్నట్టుంది. కాని మళ్ళీ మామూలే అయిపోతుంది.
    ఒంగోలు శీను గారు నాక్కూడా ఆ సీరియల్ కాస్త ఇంట్రస్టింగానే ఉంది 😦
    సుజాత గారు వెండితెరలు వెలవెలబోతున్నాయి. బుల్లితెరే బెటర్.
    శ్రీవాసుకి గారు, మీరూ మొ.రే. బాధితులేనన్నమాట.
    కొత్తపాళీ గారు, మీ ఆశీర్వచనం భయంగొలిపిస్తూంది 😦

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: